Azərbaycanın U-21 millisinin ev oyunlarını keçirdiyi stadion dəyişib. Bu haqda bu gün, 6 oktyabr tarixində Bakuplus.az Report-a istinadən xəbər verir.
“Dalğa Arena”da renovasiya işlərinə başlanılması ilə əlaqədar milli komanda 12 oktyabr Şimali İrlandiya və 17 oktyabr Lüksemburqla “Azərsun Arena”da qarşılaşacaq. Hər 2 oyun saat 18:00-da başlayacaq.
“Son vaxtlar stadionda yüklənmə olduğundan, ot örtüyü yararsız hala düşüb. Əsas yığmanın İordaniyaya qarşı matçında ot örtüyünün yaxşı vəziyyətdə olmadığını gördük. Bu üzdən örtüklə bağlı renovasiya işlərinin aparılmasına ehtiyac yarandı”, – deyə AFFA-nın mətbuat xidmətinin rəhbəri Elnur Məmmədli bildirib.
Renovasiya işlərinin cari ayın sonuna qədər bitməsi gözlənilir.
