Yüngül çəkidə keçmiş RIZIN çempionu Tofiq Musayev, Bellator MMA-ya keçmək üçün müqavilə imzaladıqdan sonra yüngül çəkidə çempion titulu uğrunda mübarizə aparacaq. Bu haqda 10 yanvar tarixində Kanadalı idman jurnalisti Ariel Helvani öz Twitter səhifəsində məlumat verib.
Helvani qeyd edir ki, razılaşmaya əsasən, idmançı 18 ay ərzində 4 döyüş keçirəcək.
“Bellator” MMA, UFC turnirindən sonra dünyada ikinci nüfuzlu turniri sayılır.
Tofiq Musayev 1989-cu ildə Bakıda anadan olmuşdur, 23 yaşında peşəkar döyüş sənətində debüt etmişdir. Kunq-fu, Sanda üzrə dünya çempionu, MMA üzrə dünya, Avropa və dəfələrlə Avrasiya çempionu olmuşdur.
