Nərimanov rayonunda noyabrın 1-də şəhidin adına həsr olunmuş şahmat turniri keçirilib. Bu haqda Nərimanov rayon Gənclər və İdman İdarəsinin facebook səhifəsində məlumat verilib.
Nərimanov Rayon İcra Hakimiyyətinin və Rayon Gənclər və İdman İdarəsinin birgə təşkilatçılığı ilə noyabırın 1-i saat 09:30-da 37 saylı tam orta məktəbdə, açıq havada Sənan Abdullayevin xatirəsinə həsr edilmiş şahmat turniri təşkil olunub. O, 2005-2016-cı illərdə M. Məmmədov adına 37 nömrəli tam orta məktəbində təhsil alıb.
Sənan Abdullayev oktyabrın 5-də snayper gülləsi nəticəsində Füzuli döyüşləri zamanı şəhid olub. Sənan Abdullayevin nəşi doğum günündə(21 yaş), noyabrın 1-də tapılıb. Noyabrın 20-də II Fəxri Xiyabanda dəfn olunub. Ölümündən sonra "Vətən uğrunda", "Cəsur döyüşçü" və "Füzulinin azad olunmasına görə" medalları ilə təltif edilib.
