“Neftçi” Futbol Klubuna yeni baş məşqçi təyin edilib. Bu haqda bu gün, 26 iyun tarixində Bakuplus.az kluba istinadən xəbər verir.
“Neftçi”nin baş məşqçisi vəzifəsinə ukraynalı mütəxəssis Roman Qriqorçuk təyin edilib. Mütəxəssislə 2 illik müqavilə imzalanıb.
Roman Qriqorçuk Latviyanın “Dinaburq” və “Ventspils”, Ukraynanın “Metallurq”, “Çernomorets”, Azərbaycanın “Qəbələ”, Qazaxıstanın “Astana”, Belarusun “Şaxtyor” kimi klubları çalışdırıb.
O, “Astana” ilə Avropa Liqasının qrup mərhələsində “Mançester Yunayted” üzərində qələbə qazanıb. “Qəbələ”də çalışdığı 3,5 mövsümlük fəaliyyət dövründə Azərbaycan Premyer Liqasının bürünc və gümüş medallarına yiyələnib, ölkə kubokunun finalçısı olub, eləcə də tarixində ilk dəfə UEFA Avropa Liqasının qrup mərhələsinə çıxmağı bacarıb və daha sonra bu uğuru təkrarlayıb.
