Paytaxt məktəbinin şagirdi Monteneqroda keçirilən kikboksinq üzrə turnirdə Avropa çempionu olub. Bu haqda Bakı Şəhəri üzrə Təhsil İdarəsinin mətbuat xidməti məlumat yayıb.
Bakı Şəhəri üzrə Təhsil İdarəsinin tabeliyindəki 49 nömrəli məktəb-liseyin XI sinif şagirdi Nihad Tağızadə 51 kiloqram çəki dərəcəsində bütün rəqiblərinə qalib gələrək I yerə layiq görülüb.
Bundan öncə, Nihad Tağızadə kikboksinq üzrə 2019-cu ildə Macarıstanda keçirilən Avropa çempionatında II, Rusiyada isə I yeri tutaraq dünya kubokunun sahibi olmuşdur.
