Bu gün, noyabrın 25-də Bakıda batut gimnastikası üzrə yaş qrupları arasında 28-ci dünya çempionatı başlayır. Çempionat 4 gün ərzində baş tutacaq. Bu haqda Azərbaycan Gimnastika Federasiyasının mətbuat xidməti məlumat verib.
Milli Gimnastika Arenasında keçiriləcək yarışda Azərbaycanı 15 gimnast təmsil edəcək.
Yarışda 32 ölkədən 621 idmançı iştirak edəcək. Gimnastlar 11-12, 13-14, 15-16 və 17-21 yaş kateqoriyalarında batut, tamblinq və qoşa mini-batut yarışlarında mübarizə aparacaqlar.
Yarışda gimnastlar fərdi və sinxron batutla tullanma, tamblinq və qoşa mini batut üzrə çıxış edəcəklər. Bundan əlavə, komanda yarışında qaliblər müəyyənləşəcək. Yaş qrupları üzrə yarışlarda hər bir proqram üzrə təsnifat və final mərhələləri keçiriləcək.
Daha öncə, 18-21 noyabr tarixlərində bakıda batut və tamblinq gimnastikası üzrə dünya çempionatı keçirilmişdir. Ümumilikdə, çempionatda 33 ölkədən 300-ə yaxın gimnast iştirak etmişdir. Azərbaycan tamblinqçisi Mixail Malkin gümüş medal qazanmışdır.
