Litvada 14 dekabr tarixində keçirilən “Kyokushin Karate” üzrə Avropa Kubokunda polis idmançı uğur qazanıb. Bu haqda Daxili İşlər Nazirliyi xəbər verib.
Litvanın Kaunas şəhərində “Kyokushin Karate” üzrə Avropa Kuboku uğrunda turnir baş tutub. Turnində beynəlxalq yarışların qalibi və iştirakçısı Səbail RPİ PPXB-nin polis sıravisi Solmaz Zeynallı 60 kiloqram çəki dərəcəsində rəqiblərini geridə qoyaraq yarımfinala keçib.
Yarımfinalda işveçrəli idmançı Zeynallının boğaz nahiyəsinə dirsəyi ilə qadağan olunmuş zərbə endirib və nəticədə hakimlərin qərarına əsasən rəqib turnirdən diskvalifikasiya olunub. Aldığı zərbəyə görə finala buraxılmayan idmançı gümüş medalın sahibi olub.
S.Zeynallı bu qələbəsini Vətən müharibəsinin şəhidi, “İgidliyə görə”, “Vətən uğrunda” və “Füzulinin işğaldan azad olunmasına görə” medalları ilə təltif edilmiş qardaşı Tural Zeynalova həsr edib.
