UEFA “Qarabağ”ın müraciətinə cavab verib. Bu haqda bu gün, 15 sentyabr tarixində Bakuplus.az klubun mətbuat xidmətinə istinadən xəbər verir.
Klubun mətbuat xidmətinin rəhbəri Gündüz Abbaszadənin sözlərinə görə, beynəlxalq qurum müraciətimizə imtina ilə cavab verib.
“Narahatlığınızı başa düşür, anlayışla qarşılayırıq. Lakin bu məsələ futbolla bağlı olmadığı üçün icazə verə bilmərik”, - deyə UEFA qeyd edib.
Daha öncə Qurban Qurbanov 15 sentyabr tarixində keçiriləcək “Qarabağ” - “Nant” matçında şəhidlərin xatirəsinə 1 dəqiqəlik sükut olunması üçün UEFA-ya müraciət olunduğunu bildirmişdir.
