Bakı məktəbinin şagirdi şahmat üzrə uğur qazanıb. Bu haqda bu gün, 19 iyun tarixində Bakuplus.az Bakı Şəhəri Üzrə Təhsil İdarəsinə istinadən xəbər verir.
Belə ki, Bakı Şəhəri üzrə Təhsil İdarəsinin tabeliyindəki 228 nömrəli tam orta məktəbin X sinif şagirdi Aqil İsrafilov şahmat üzrə 17 yaşadək oğlanlar arasında avropa çempionu olub. O, Albaniyanın Durres şəhərində keçirilən şahmat üzrə Avropa çempionatında qələbə qazanıb.
10 ildir şahmatla məşğul olan A.İsrafilov ötən il Naxçıvanda keçirilən 16 yaşadək yeniyetmələrin Ümumdünya Şahmat Olimpiadasında “Azərbaycan-4” komandasının tərkibində ən çox beynəlxalq əmsal artıran iştirakçı seçilmişdir.
[caption id="attachment_103852" align="alignnone" width="640"]
Foto Bakı Şəhəri üzrə Təhsil İdarəsinin rəsmi saytı[/caption]
