Xəzər rayonunda həndbol idman növü üzrə turnir keçirilib. Bu haqda 6 iyun tarixində Bakuplus.az Bakı Şəhər Gənclər və İdman Baş İdarəsinə istinadən xəbər verir.
Sağan Olimpiya İdman Kompleksində 2006-cı il təvəllüdlü və ondan kiçik yaşlı yeniyetmə qızlar arasında Bakı birinciliyi keçirilib. Turnirdə üç komanda yüksək nəticə göstərib.
Qaliblər:
- I yer - 2 saylı Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin komandası;
- II yer - 6 saylı İxtisaslaşdırılmış Olimpiya Ehtiyatları Uşaq-Gənclər İdman Məktəbinin 1-ci komandası;
- III yer - 6 saylı İxtisaslaşdırılmış Olimpiya Ehtiyatları Uşaq-Gənclər İdman Məktəbinin 2-ci komandası.
Qalib komandalar Bakı şəhər Gənclər və İdman Baş İdarəsi tərəfindən diplom və medalla təltif olunublar.
