Suraxanı rayonunda mini-futbol üzrə 7-ci siniflər arasında COCA-COLA məktəbli kubokunun final mərhələsi keçirilib. Bu haqda BakuPlus.az bu gün, 27 may tarixində xəbər verir.
Ötən gün 327 nömrəli məktəbin idman meydançasında baş tutan final yarışında 114, 282, 76, 316 nömrəli tam orta məktəbin komandaları mübarizə aparıb.
Rayon birinciliyində 1-ci yerə 282 nömrəli tam orta məktəb, 2-ci yerə 114 nömrəli tam orta məktəb, 3-cü yerə isə 316 nömrəli tam orta məktəbin komandaları layiq görülüblər.
Bakı birinciliyində Suraxanı rayonunu 282 nömrəli tam orta məktəbin komandası təmsil edəcək.
Yarış Suraxanı Rayon İcra Hakimiyyətinin, AFFA-nın və Suraxanı rayon Gənclər və İdman İdarəsinin təşkilatçılığı ilə keçirilib.
