Sosial şəbəkələrdə Teymur Rəcəbovun Hindistanda keçirilən Şahmat Olimpiadasında Azərbaycan millisinin heyətində oynamaqdan imtina etməsi ilə bağlı aktiv müzakirələr aparılır. Bununla bağlı o, ictimaiyyətə açıq məktub yazıb. Bu haqda bu gün, 22 iyul tarixində Bakuplus.az məlumat verir.
O, imtinasını səhhətindəki problemlərlə əlaqələndirib. 35 yaşlı qrosmeyster komanda yoldaşı Vasif Durarbəylinin statusunu belə şərh edib: “İndi mən səhhətimə görə məcburi - fors-major vəziyyətdə Olimpiadada iştirak etməməyimlə bağlı vəziyyəti izah etmək istərdim. Uzun müddətdir ki, müalicə üçün dərman qəbul edirəm, şiddətli fiziki ağrılar yaşayıram. İstənilən peşəkar şahmatçının həyatında və karyerasında əsas turnir olan Namizədlər Turniri gözlənildiyi kimi, mənim üçün fiziki və psixoloji sağlamlığımı tamamilə pozan ən çətin sınaq oldu.
Həmçinin turnirdən qayıdandan sonra yüksək hərarət, ağır öskürək və post-COVİD sindromu ilə ağırlaşmalara səbəb olan koronavirus xəstəliyinə tutuldum. Səhhətimin hazırkı durumunda milli komandaya xeyir verə bilmərəm, bir müddət bərpa olunmağa məcburam. Nəzərinizə çatdırım ki, həkimlər bir neçə ay ərzində ambulator müalicəni tövsiyə etməklə hər hansı bir psixo-emosional stresi qadağan edib.
Peşəkar şahmata qayıtmaq və gələcəkdə ölkəmin milli komandasına xeyir vermək üçün hər şeyi edəcəyəm. Azərbaycan milli komandasındakı bütün yoldaşlarıma qarşıdan gələn Olimpiadada uğurlar arzulayıram, onlara azarkeşlik edərək bütün görüşləri izləyəcəyəm və komanda yoldaşlarımla birgə həyəcanlanacağam.
Ümid edirəm ki, yenidən Azərbaycan millisində yüksək səviyyədə yarışa biləcəyəm!”
Açıq məktubun tam mətnini burada oxumaq mümkündür.
