Bakıda basketbol turniri keçirilib. Bu haqda BakuPlus.az bu gün, 30 aprel tarixində xəbər verir.
Nərimanov rayonunda keçirilən turnir Vətən müharibəsi şəhidi, baş leytenant Həsənağa Abdullazadənin xatirəsinə həsr edilib.
Yarış 29 aprel tarixində 212 saylı tam orta məktəbin idman zalında Nərimanov Rayon Gənclər və İdman İdarəsinin təşkilatçılığı ilə baş tutub.
Turnirin nəticələri:
- I yeri 45 nömrəli tam orta məktəbin komandası;
- II yeri 82 nömrəli tam orta məktəbin komandası;
- III yeri Vətən Müharibəsi Qəhrəmanı Azad Hümbətov adına 291 nömrəli Ekologiya liseyinin komandası tutublar.
Basketbol üzrə Nərimanov rayon turnirinin qalibləri müvafiq dərəcəli diplom və medallar ilə təltif olunublar. Turnirin sonunda şəhidin atası Şakir Abdullazadəyə turnirin Xatirə diplomu və Dövlət Bayrağı təqdim olunub.
