Bakıda avarçəkmə üzrə turnir keçirilib. Bu haqda bu gün, 25 iyun tarixində Bakuplus.az Report-a istinadən xəbər verir.
Avarçəkmə üzrə açıq Bakı birinciliyi keçirilib. AKAF-nin binasının yaxınlığında, Xəzər dənizində baş tutan turnirdə paytaxt idmançıları ilə yanaşı, Mingəçevirdən olan 80 nəfərə yaxın idmançı mübarizə aparıb. Yeniyetmə və gənclərdən ibarət yarış iştirakçıları avarçəkmənin akademik, kayak, kanoe növlərində 200, 500 metr məsafədə güclərini sınayıblar. Qaliblər diplom və medallarla mükafatlandırılıblar.
Yarış Azərbaycan Kanoe və Avarçəkmə Federasiyası (AKAF) ilə Bakı Şəhər Gənclər və İdman İdarəsinin birgə təşkilatçılığı əsasında baş tutub.
