İyulun 9-10-da “Əziz Şuşa” beynəlxalq velosiped yarışı təşkil olunacaq. Bu haqda bu gün, 2 iyul tarixində Velosiped Federasiyasının mətbuat xidməti məlumat verib.
Yarış Azərbaycan Respublikası Gənclər və İdman Nazirliyi, Azərbaycan Velosiped Federasiyası və Şuşa şəhər Dövlət Qoruğu İdarəsinin birgə təşkilatçılığı ilə "Şuşa ili" tədbirləri çərçivəsində keçiriləcək.
Yarış iki mərhələdən ibarət olacaq. İyulun 9-da baş tutacaq birinci mərhələ Bakının Pirallahı rayonunda yerləşən Nərəkənd parkının yaxınlığında keçiriləcək. Bu mərhələdə velosipedçilər 21 km məsafəyə fərdi ötüşmə yarışında mübarizə aparacaqlar.
İyulun 10-da baş tutacaq ikinci mərhələ Füzuli hava limanından başlayaraq Şuşadakı “Qarabağ” hotelinə qədər davam edəcək. Bu mərhələdə idmançılar 71 km məsafəyə qrup ötüşməsində qüvvəsini sınayacaqlar.
