Bakının “28 May” metro stansiyasında ötən axşam sıxlıq müşahidə olunub. Bu haqda bu gün, 20 dekabr tarixində Bakuplus.az məlumat verir.
Sosial şəbəkələrdə yayılan videogörüntülərdə sərnişinlərin qatara minmələrində, eləcə də hərəkət etmələrində çətinliyin yaşanması əks olunub. Verilən məlumata görə, bu vəziyyət eskalatorların birinin dayanması səbəbindən baş verib.
"Bakı Metropoliteni" QSC-dən verilən məlumata görə, üzü yuxarı hərəkət edən eskalatorun dayanmasının səbəbi sərnişin müdaxiləsi olub. Bir neçə dəqiqədən sonra eskalator yenə işə salınıb. Platforma səviyyəsində sıxlığın ifrat həddə çatmasının qarşısını almaq üçün metropolitendə təhlükəsizlik qaydalarının tələbinə uyğun olaraq enişə işləyən eskalator da dayandırılıb.
Qurumun mətbuat xidməti, həmçinin sərnişinlərdən nəinki stansiya yolunda qatar gözləyərkən və vaqonlara minib-düşərkən, bütün zonalarda, o cümlədən eskalatorlarda ehtiyatlı və diqqətli olmalarını xahiş edir.
[video width="720" height="1280" mp4="https://bakuplus.az/storage/photos/2022/12/baki-metrosunda-sixliq-givefastlink.mp4"][/video]
