Bakının Binəqədi qəsəbəsində yanvarın 20-də 7 yaşlı uşaq dayısı oğlu tərəfindən tüfəngdən güllələnib. Bu haqda bu gün, 21 yanvar tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
9 yaşlı uşaq atasına məxsus tüfənglə ehtiyatsızlıqdan atəş açıb və nəticədə 7 yaşlı dayısı oğlunun döş qəfəsinə xəsarət yetirib. Hadisə yerinə polis əməkdaşları cəlb olunublar. Onlar hadisə yerindən müvafiq sənədləri olan “Churchill” markalı ov tüfəngi götürüblər.
Faktla bağlı “Ehtiyatsızlıqdan sağlamlığa ağır zərər vurma” maddəsi ilə cinayət işi açılıb. Faktla bağlı araşdırma aparılır.
