Bakıda bir sutka ərzində doqquz nəfər dəm qazından zəhərlənib. Bu haqda Report məlumat verib.
Belə ki, 6 yanvar axşam saatlarında Binəqədi rayonunun Binəqədi qəsəbəsi sakini, 24 yaşlı İbrahim Seyidov, Rəsulzadə qəsəbəsi sakini 49 yaşlı Səbinə Cəfərova, 9-cu mikrorayon sakinləri 28 yaşlı Elmina Bağırova və 27 yaşlı Rəqsanə Əsədova dəm qazından zəhərləniblər.
Bu gün, 7 yanvar tarixində Nəsimi rayonunda 27 yaşlı İsmayıl Məmmədov, Sabunçu rayonunda 27 yaşlı Fərhad Məmmədov, Xətai rayonunun Nobel prospektində yaşayan 19 yaşlı Fidan İsmayılova, Suraxanı rayonunun Dədə Qorqud qəsəbəsində 36 yaşlı Samiyə Əmirova və Bülbülə qəsəbəsində Sadaqət Əliyeva dəm qazından zəhərləniblər.
Hər doqquz zərərçəkən xəstəxanaya yerləşdirilib. Hadisələr araşdırılır.
