Bakıda şagirdləri döyən direktor polis şöbəsinə dəvət olunub. Bu haqda Report 10 yanvar tarixində xəbər verib.
Bakı şəhəri 9 nömrəli tam orta məktəbin direktoru Zinyət Əhmədovanın şagirdlərlə uyğun olmayan davranışının əks olunduğu videogörüntü ilə bağlı izahatı alınıb.
Zinyət Əhmədovayla birgə şagird və valideynlər də polis şöbəsinə dəvət olunublar. Tərəflərin izahatı alındıqdan sonra məlum olub ki, IX sinif şagirdləri mütəmadi şəkildə dərslərdən yayınır. Həmin gün də şagirdlər məktəbin ikinci mərtəbəsindən düşərək dərs davamiyyətinə əməl etməyiblər.
Sonda şagird və valideynlər, heç bir şikayətlərinin olmadıqlarını bildiriblər.
Direktor Zinyət Əhmədovanın şagirdləri döyməsi kameraya düşmüşdür.
