Bakının Binəqədi rayonunda qadın sərnişinə qarşı əxlaqsızlıq edən taksi sürücüsü saxlanılaraq cəzalanıb. Bu haqda bu gün, 4 fevral tarixində Baku.es məlumat verir.
Zərərçəkmiş qadın polisə müraciət edərək bildirib ki, taksi sürücüsü onu bəhanə ilə şəhərdən kənara aparıb və intim əlaqədə olmaq istəyib. Qadın bu təklifi qəbul etməyib və sürücü onu şəhərə qaytarıb. Daha sonra kişi qadının mobil telefon nömrəsinə təhqiramiz sözlər yazıb.
Aparılan tədbirlər nəticəsində 28 yaşlı Kənan Ağayev saxlanılıb. Onun barəsində inzibati protokol tərtib edilib. Binəqədi Rayon Məhkəməsinin qərarı ilə o, 150 manat cərimə olunub. Qərar qəbul edilərkən sərnişinin şikayətini geri götürməsi nəzərə alınıb.
