Heydər Əliyev Aeroportunun 1-ci terminalında İstanbuldan gələn şəxsdə külli miqdarda narkotik aşkar edilib. Bu haqda bu gün, 12 avqust tarixində Bakuplus.az Dövlət Gömrük Komitəsinə istinadən məlumat verir.
Yoxlama zamanı həmin vətəndaşın baqajında qida qutularında və bükümlərdə gizlədilmiş narkotik vasitələr tapılıb. Ümumilikdə 5 qabda 750 qram kokain, 3 qrama yaxın qurudulmuş marixuana, 3 qrama yaxın həşiş qətranı narkotik vasitələri, 3 qram MDMA psixotrop maddəsi, tərkibindəki preqabalin güclü təsiredici maddəsinin ümumi miqdarı 12,6 qram olan 28 həb “Lyrica 150 mg” və 28 həb “Lyrica 300 mg” kapsulları aşkar olunaraq götürülüb.
Faktla bağlı cinayət işi açılıb. Aparılmış istintaqla 1 nəfər həbs edilib, 1 nəfər isə istintaqdan gizləndiyi üçün axtarılır. Araşdırma davam edir.
[caption id="attachment_109315" align="alignnone" width="640"]
Foto Dövlət Gömrük Komitəsinin saytı[/caption]
