“Bakı Metropoliteni” QSC-nin əməkdaşı metroda vəfat edib. Bu haqda bu gün, 17 iyul tarixində Bakuplus.az Report-a istinadən məlumat verir.
“Dərnəgül” - “Həzi Aslanov” marşrutu ilə hərəkət edən qatarın vaqonunda olan sərnişinin halı pisləşib. Metro əməkdaşları tərəfindən hadisə yerinə təcili tibbi yardım çağırılıb, sərnişin stansiyada düşürülüb, ilkin yardım göstərilib.
Metropolitenin rəsmisi Bəxtiyar Məmmədovun sözlərinə görə, tibbi yardım xidməti gələnə qədər sərnişin dünyasını dəyişib. Mərhum Bakı metropoliteninin Tunel qurğuları xidmətinin əməkdaşı, 64 yaşlı Kamil Zeynalov olub.
