Dekabrın 28-i Bakı şəhər sakini Sumqayıt şəhəri ərazisində iki polis əməkdaşına bıçaqla xəsarət yetirib. Bu haqda bu gün, 29 dekabr tarixində Oxu.az məlumat verib.
Sumqayıt şəhər Prokurorluğunda aparılan araşdırmalar nəticəsində məlum olub ki, paytaxt sakini Ağa Əzimov münaqişə zəminində xidməti vəzifələrini icra edən Sumqayıt ŞPİ-nin cinayət axtarış şöbəsinin əməliyyat müvəkkili Xəqani Məmmədova və kiçik inspektor Orxan Baxşəliyevə bıçaqla xəsarət yetirib.
Polisin axtarışı nəticəsində Ağa Əzimov şübhəli şəxs qismində saxlanılıb. Faktla bağlı Sumqayıt Prokurorluğunda cinayət işi açılıb.
