Daşkəsəndə qızıl tapmaq üçün tarixi abidəyə ziyan vuran şəxslər saxlanılıb. Bu haqda bu gün, 27 oktyabr tarixində APA məlumat verib.
Daxili İşlər Nazirliyinin (DİN) Mətbuat Xidmətinin Gəncə Regional Qrupunun baş inspektoru, polis kapitanı Eşqin Qasımov bildirib ki, Daşkəsən RPİ-yə bir neçə nəfərin qanunsuz olaraq qızıl axtarması və məbədin sökülməsi barədə məlumat verilib. Bildirilib ki, 7-9-cu əsrlərə aid olan Alban Məbədinə ciddi ziyan dəyib.
Araşdırma zamanı müəyyən edilib ki, Sumqayıt şəhər sakinləri Namiq Əliyev, Əliağa Əhmədov, Şirvan şəhər sakini Eynur Səmədov, Bakı şəhər sakini Ülfət Niftalıyev və Quba rayon sakini Taleh Şirinov əraziyə gələrək, müxtəlif elektrik avadanlıqları və alətlərin köməyi ilə məbədin ərazisində qızıl axtarmağa başlayıblar.
Sözügedən şəxslər maddi sübutlarla birlikdə tutularaq istintaqa təhvil veriliblər.
Faktla bağlı araşdırma aparılır.
[caption id="attachment_76647" align="alignnone" width="640"]
Foto apa.az saytı[/caption]
