Binəqədi rayonu, M.Ə.Rəsulzadə qəsəbəsində evdən oğurluq edən kişi saxlanılıb. Bu haqda bu gün, 19 yanvar tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, evdən 3300 manat dəyərində təmir alətləri oğurlanıb. Polis əməkdaşları tərəfindən keçirilən tədbirlər nəticəsində əməli törətməkdə şübhəli bilinən Bakı şəhər sakini Təbriz Cavadzadə saxlanılıb.
Əməliyyat zamanı onun rayon ərazisində yerləşən zavodun həyətində quraşdırılmış antenin 30 metr elektrik naqilini, 8 ədəd akkumulyator, 2 ədəd kondisioner, 20 ədəd modul və 2 ədəd anten dayaqlarını oğurladığı da müəyyən olunub. Araşdırma davam edir.
