Bakıda avtoxuliqanlıq hərəkətləri edən moped sürücüsü saxlanılıb. Bu haqda bu gün, 22 avqust tarixində Bakuplus.az Unikal.az-a istinadən xəbər verir.
17 avqust tarixində moped sürücüsü Əli Əhədov Heydər Əliyev prospektində müxtəlif üsullarla davamlı olaraq yol hərəkəti qaydalarını pozub. Əhədov yol polisinin verdiyi işarələrə məhəl qoymayaraq, Keşlə qəsəbəsində mopedi atıb və naməlum istiqamətə qaçıb.
O, 20 avqust tarixində yaşadığı Astara şəhərində tapılıb. Ona inzibati qaydada protokollar tərtib edilərək baxılması üçün Nizami Rayon Məhkəməsinə göndərilib.
Məhkəmənin qərarı ilə Əhədov 20 sutka inzibati qaydada həbs edilib.
