Paytaxtın Sabunçu rayonu, Kürdəxanı qəsəbəsində avtoqəza ölümlə nəticələnib. Bu haqda bu gün, 3 fevral tarixində Bakuplus.az APA-ya istinadən xəbər verir.
Qəsəbədə yerləşən “Lukoil” yanacaqdoldurma məntəqəsi yaxınlığından “Məhəmmədi” adlanan dairə istiqamətində hərəkətdə olan 27 yaşlı Röyal Baloğlanovun idarə etdiyi “Mercedes C-class” markalı avtomobil əks istiqamətdə gələn 48 yaşlı Mahir Məmmədovun sürücüsü olduğu “Fiat Doblo” markalı nəqliyyat vasitəsi ilə toqquşub.
Nəticədə Mahir Məmmədov hadisə yerində dünyasını dəyişib. Faktla bağlı cinayət işinə başlanılıb.
