Bakıda həkim 8 yaşlı uşağı yanlış sünnət edib. Bu haqda bu gün, 2 avqust tarixində Bakuplus.az Sonxəbər.az-a istinadən məlumat verir.
Bununla bağlı Mirməhəmməd Seyidlinin yaxını sosial şəbəkədə məlumat verib.
Uşağın atası M.Ə.Əfəndiyev adına 2 saylı Şəhər Klinik Xəstəxanasına müraciət edib. Oradakı həkim Fuad Nəzərov antisanitar şərait olduğunu və əməliyyatın "Euromed" tibb mərkəzində edilməsini məsləhət görüb. Dövlət xəstəxanasında əməliyyat 200-250 manat olsa da, “Euromed” klinikasında 750 manat ödəniş etdilər.
Həkim “Euromed” tibb mərkəzində uşağı lazerlə sünnət edib. Əməliyyat 2 saat davam edib. Lakin bir müddət sonra məlum olub ki, sünnət zamanı uşağın cinsiyyət orqanı ciddi zədələnib. Həkim onlara 8 ay sonra yaranın sağalacağını deyib. Buna baxmayaraq, uşağın səhhəti pisləşib, yara sağalmayıb.
Valideynlərin sözlərinə görə, daha sonra Nəzərov məsuliyyəti üzərindən ataraq ailəni başqa həkimə yönəldib. Dərini uşağın dodağından götürüb cinsiyyət orqanını bərpa etməyə çalışıblar. Lakin tikilən dəri tam tutmayıb.
Bundan sonra uşaq bir daha əməliyyət olunsa da, vəziyyəti ağır qaldığı bildirilir.
Uşağın yaxınları aidiyyəti orqanlardan dəstək xahiş edərək müvafiq tədbirlərin görülməsini istəyirlər.
