Siyəzən rayonunda suda batan 3 yeniyetmədən biri, Nemət Əhmədovun meyiti Fövqəladə Hallar Nazirliyinin dalğıc-axtarış qrupu tərəfindən tapılıb.
Batmış digər iki nəfərin – Mehdi Manafov və Rəvan Bəşirovun axtarışları davam etdirilir.
11:05 - Siyəzəndə Bakı sakini daxil olmaqla 3 nəfər dənizdə batıb
İyulun 23-ü axşam saatlarında Siyəzən rayonunun Zarat kəndi ərazisində dənizdə 3 nəfər boğulub. Bu haqda bu gün, 24 iyul tarixində Bakuplus.az Fövqəladə Hallar Nazirliyinin (FHN) mətbuat xidmətinə istinadən məlumat verir.
Hadisə xilasetmə məntəqəsindən təqribən 30 km aralıda, nəzarətsiz ərazidə baş verib. Batanların Zarat kənd sakinləri: 16 yaşlı Mehdi Manafov, 17 yaşlı Rəvan Bəşirov və Bakı sakini, 17 yaşlı Nemət Əhmədov olduqları məlum olub.
Hadisə yerinə xilasedicilər cəlb olunublar. Onların axtarışları davam edir.
