Yanıq xəsarətləri ilə Bakıya gətirilən uşaq vəfat edib. Bu haqda bu gün, 14 iyul tarixində Bakplus.az Report-a istinadən xəbər verir.
1 iyul tarixində Salyan rayonu, Qarabağlı kənd sakini, 15 yaşlı Seyid Nuriyev ağır yanıq xəsarətləri ilə Bakıya gətirilmişdi. Həkimlərin səylərinə baxmayaraq, o, dünyasını dəyişib.
S.Nuriyev ocaqda yemək bişirən anasına kömək etmək məqsədilə odunun üstünə benzin tökərkən yanıq xəsarətləri almışdı. Faktla bağlı araşdırma aparılır.
