Bakının Yasamal rayonu ərazisində marşrut avtobusunda qadın çantasını oğurlamaqda şübhəli bilinən şəxs saxlanılıb. Bu haqda bu gün, 9 fevral tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Polisə daxil olan məlumata görə, qadının çantasında içərisində 570 manat, sənəd və bank kartı olan pulqabı var idi. Bakı Şəhər Baş Polis İdarəsi və Yasamal RPİ 29-cu Polis Şöbəsi əməkdaşlarının keçirdikləri əməliyyat tədbiri nəticəsində əməli törətməkdə şübhəli bilinən Abşeron rayon sakini, əvvəllər dəfələrlə məhkum olunmuş 51 yaşlı Məhəmməd Əliyev saxlanılıb.
Onun əməllərindən zərər çəkən başqa vətəndaşlar varsa, bu barədə polisə məlumat vermələri xahiş olunur.
Faktla bağlı araşdırma aparılır.
[video width="1920" height="1080" mp4="https://bakuplus.az/storage/photos/2023/02/11.mp4"][/video]
