“Nəsildən-nəslə teatr” seminarları çərçivəsində iyulun 9-da Azərbaycan Dövlət Akademik Milli Dram Teatrında “Öz teatrını yarat” adlı ilk seminar baş tutacaq. Bu haqda bu gün, 5 iyul tarixində Bakuplus.az məlumat verir.
Pantomima Teatrının bədii rəhbəri Xalq artisti Bəxtiyar Xanızadə gənclərlə teatr işinin təşkilində sosial-iqtisadi və bədii-konseptual aspektlər, ənənə, müasirlik, yeni yaradıcı tendensiyalar və digər mövzularda fikir mübadiləsi aparacaq.
Tədbir saat 14:00-da teatrın kiçik səhnəsində təşkil olunacaq.
Layihənin məqsədi nəsillər arasında fikir və təcrübə platforması yaratmaqla Azərbaycanda teatr prosesinin inkişafına töhfə vermək, teatra müasir beynəlxalq tendensiyaların tətbiqi, bu sahəyə marağın artırılması, gənclərin cəlb edilməsi və aktiv yaradıcı mühitin formalaşdırılmasıdır.
