Bakıda Migel de Servantesin “Don Kixot” romanının motivləri əsasında hazırlanan “Psix” tamaşasının premyerası olub. Bu haqda BakuPlus.az Azərtac-a istinadən bu gün, 30 aprel tarixində xəbər verir.
Azərbaycan Dövlət Akademik Musiqili Teatrında nümayiş olunan tamaşada dahi bəstəkar, SSRİ Xalq artisti Qara Qarayevin “Don Kixot” simfonik qravürlərindən istifadə edilib.
Səhnə əsərinin quruluşçu rejissoru və səhnələşdirəni rejissor Ər-Toğruldur.
18 yaşından yuxarı tamaşaçılar üçün nəzərdə tutulan tamaşada Don Kixot obrazını Xalq artisti Pərviz Məmmədrzayev canlandırıb. Teatrın gənc və istedadlı aktyorları Nicat Əli Sanço Pansa, Gültac Əlili Dulsineya, Zaur Əliyev Xidmətçi obrazlarında teatrsevərlərin qarşısına çıxıblar.
