Aprelin 15-də Azərbaycan Dövlət Film Fondunda xalq artisti, kinorejissor Eldar Quliyevin vəfatının ildönümünə həsr olunmuş təntənəli tədbir keçiriləcək. Bu haqda bu gün, 13 aprel tarixində Azərtac məlumat verib.
Tədbirdə Eldar Quliyevin Moskvada Ümumittifaq Dövlət Kinematoqrafiya İnstitutunda tələbə olarkən çəkdiyi iki qısametrajlı bədii film - şəxsi arxivdən Fondun kolleksiyasına daxil olunmuş “Gözləmə saatı” və dövlət tərəfindən bərpa edilmiş elektron formada “Biri vardı, biri yoxdu...” filmləri təqdim ediləcək.
Tədbir Azərbaycan Dövlət Film Fondunun binasında saat 12:00-da baş tutacaq.
