Abdulla Şaiq adına Azərbaycan Dövlət Kukla Teatrında H.X. Andersenin “Düyməcik” nağılı əsasında eyniadlı tamaşa hazırlanır. Bu haqda BakuPlus.az Bizim.Media-ya istinadən bu gün, 31 mart tarixində xəbər verir.
Teatrdan verilən məlumata əsasən, kuklaçılar işlərini artıq bitiriblər. Aprel ayının ilk günündən məşqlərinə başlanacaq tamaşanın musiqiləri Vüqar Camalzadəyə məxsusdur.
“Tamaşanın ümumi musiqisində isə Avropa klassik musiqi əsərlərindən istifadə edəcəyik”, - deyən Kukla Teatrının baş rejissoru Qurban Məsimov, tamaşanın musiqi əhvalını Avropa üslubunda kökləməyə çalışdığını vurğulayıb.
O, “Düyməcik” tamaşasının da əvvəlkilər kimi seviləcəyinə inandığını əlavə edib.
