Bakıda Elmira Abasovanın yubileyinə həsr olunmuş tədbir keçiriləcək. Bu haqda BakuPlus.az bu gün, 12 aprel tarixində xəbər verir.
Görkəmli musiqişünas-alim, pedaqoq, Əməkdar incəsənət xadimi, professor Elmira Abasovanın anadan olmasının 90 illiyinə həsr olunmuş tədbir 15 aprel, 15:00-da Azərbaycan Musiqi Mədəniyyəti Muzeyində baş tutacaq.
Tədbirin bədii hissəsində Azərbaycan, Qərbi Avropa və rus bəstəkarlarının əsərləri ifa olunacaq.
BMA-nın professoru, Respublikanın Xalq artisti Ülviyyə Hacıbəyova, Əməkdar artist Fərid Əliyev, BMA-nın dosenti Nərgiz Salmanlı və digərləri də yubiley tədbirinin iştirakçılarından olacaqlar.
