Bakıda fotoqrafiya üzrə ödənişsiz seminar keçiriləcək. Bu haqda bu gün, 24 yanvar tarixində Bakuplus.az Bakı Rus Evinə istinadən xəbər verir.
“Necə kreativ arxitektura şəkillərini çəkmək olar?” adlı dəirmi masada fotoqraf Rüstəm Hüseynov spiker kimi çıxış edəcək. O, bir sıra forosərgilərin və layihələrin kuratoru olub, fotoqrafiya sənətinin tarixi ilə bağlı məqalələrin müəllifidir. R.Hüseynov, həmçinin bədii filmin rejissoru kimi fəaliyyət göstərib.
Dəirmi masada həm fotoqraflar, həm də dizaynerlər, jurnalistlər, sənətşünaslar, eləcə də tikinti, daşınmaz əmlak və reklam mütəxəssisləri iştirak edə bilərlər.
Tədbir 25 yanvar saat 19:00-da Uzeyir Hacıbəyli küçəsi, 77B ünvanında, Bakı Rus Evində baş tutacaq. Giriş sərbəstdir.
