Bakıda Nazim Şamxorovun “İşığın ecazkar əksi” adlı rəsm sərgisi açılıb. Bu haqda BakuPlus.az Xətai Sənət Mərkəzinə istinadən bu gün, 5 may tarixində xəbər verir.
Azərbaycan Rəssamlar İttifaqının və Bakı Qalereyasının dəstəyi, Xətai Sənət Mərkəzinin təşkilatçılığı ilə baş tutan sərgi mayın 8-dək davam edəcək.
Tədbirdə sənətşünas Qalib Qasımov çıxış edərək sərgi barədə məlumat verib.
Əməkdar incəsənət xadimi Ziyadxan Əliyev, Bakı Rəsm Qalereyasının direktoru Eldəniz Babayev, Xətai Sənət Mərkəzinin direktoru Zahid Əvəzov və əsərlərin müəllifi rəssam Nazim Şamxorov nümayiş edilən sənət əsərləri ilə bağlı təəssüratlarını bölüşüblər.
Nazim Şamxorov "Abşeron", "Neft daşları", "Bakı", "Xəzər dənizi", "Şuşa - Daşaltı kəndi", "Şuşa. Gövhər-Ağa məscidi" və s. əsərlərin müəllifidir.
Rəssamın əsərləri Azərbaycan Dövlət Rəsm Qalereyasının fondunda, Dünya Bankının Ofisində, Xətai Sənət Mərkəzində və başqa şəxsi kolleksiyalarda saxlanılır.
