23 oktyabr tarixində Bakıda “İordaniya uşaqların gözü ilə” adlı rəsm sərgisi açılıb. Sərgi “Dirçəliş” Gənclərin Sosial-Psixoloji Reabilitasiya Mərkəzinin təşəbbüsü və İordaniya Haşimilər Krallığının Azərbaycandakı səfirliyinin əməkdaşlığı ilə baş tutub. Bu haqda AZƏRTAC xəbər verib.
Caspian plazada keçirilən tədbirdə İordaniya Haşimilər Krallığının ölkəmizdəki səfiri Sami Abdullah Ğoşeh də iştirak edib. O, öz çıxışında ölkələrimiz arasındakı qardaşlıq münasibətlərinə toxunub.
Tədbirdə Xalq rəssamı Arif Hüseynov balaca həmkarlarını təbrik edərək onları təsviri sənətin gələcəyi adlandırıb.
50-dən çox fırça ustasının əsəri nümayiş olunan İordaniyaya həsr olunmuş sərgi Azərbaycanda ilk dəfə təşkil olunub.
