Bakı Fotoqrafiya Evində “Tacikistan – dağ zirvələri və qızıl göllər ölkəsidir” fotosərgisinin açılışı 20 aprel tarixində baş tutub. Bu haqda bu gün, 21 aprel tarixində Bakuplus.az Trend-ə istinadən məlumat verir.
Sərgi Azərbaycan Respublikası ilə Tacikistan Respublikası arasında diplomatik əlaqələrin qurulmasının 30 illiyi münasibətilə keçirilir.
Xüsusi qonaq qismində iştirak edən Tacikistan Respublikasının Azərbaycandakı fövqəladə və səlahiyyətli səfiri Rüstəm Soli iki ölkə arasında ədəbi-mədəni əlaqələrin əhəmiyyətini vurğulayıb. Açılış mərasimində tanınmış fotoqraf Reza Deqati və Milli Məclisin deputatı Aydın Mirzəzadə də çıxış ediblər.
Sərgi 25 aprel 2022-ci il tarixinədək davam edəcək.
