Bakıda “Bizi yaşadan nəğmələr” adlı konsert proqramı təşkil olunacaq. Bu haqda BakuPlus.az bu gün, 12 aprel tarixində xəbər verir.
Aprelin 28-i və 29-u keçiriləcək konsert proqramı saat 19:00-da Heydər Əliyev Sarayında baş tutacaq.
Heydər Əliyev Sarayının mətbuat katibi Aytac Bağırlının sözlərinə görə konsert “Əbədiyaşarlar” layihəsi çərçivəsində görkəmli bəstəkar, Xalq artisti Tofiq Quliyevin 105 illiyinə həsr olunub.
Gecədə bəstəkarın illərdir sevə-sevə dinlədiyimiz nəğmələrini Xalq artistləri Ənvər Sadıqov, Azər Zeynalov, İlqar Muradov, Gülyanaq Məmmədova, Gülyaz Məmmədova, Murad Hüseynov, Ramiz Quliyev, Əməkdar artistlər Aygün Bəylər, Zamiq Hüseynov, Elton Hüseynəliyev, Anar Şuşalı, Nurlan Növrəsli, Aygün Zeynalova, Xəyyam Nisanov, Afaq Abbasova, Zakir Əliyev, müğənnilər Atəş Qarayev, Fatimə Cəfərova, Şaban Cəfərov, Aydan Həsənova, Cəlal Kərimov, Samirə Allahverdiyeva, Vaqif Şıxəliyev, Səbinə Ərəbli, Azad Şabanov, Süleyman Süleymanov, Ürfan Cəfərov ifa edəcəklər.
Musiqi nömrələri Qara Qarayev adına Azərbaycan Dövlət Kamera orkestrinin müşayiəti ilə ifa ediləcək.
Biletləri Sarayın kassalarından və ya onlayn əldə edə bilərsiniz.
