Bakıda isveçli fotoqraf Elizabet Tollun “Mənzərələr və Portretlər” adlı fotoqrafiya sərgisinin açılış mərasimi keçirilib. Bu haqda BakuPlus.az bu gün, 28 aprel tarixində xəbər verir.
İsveç və Azərbaycan arasında diplomatik münasibətlərin qurulmasının 30 illiyinə həsr edilmiş sərgi İsveçin Bakıdakı Səfirliyi, “İçərişəhər” Dövlət Tarix-Memarlıq Qoruğu İdarəsi və İsveçin “Oriflame” şirkətinin birgə əməkdaşlığı ilə keçirilib.
Açılış mərasimində “İçərişəhər” DTMQ İdarəsinin İdarə Heyətinin sədri Şahin Seyidzadə, İsveç Krallığının Azərbaycandakı səfiri cənab Kristian Kamillin və İsveç foto rəssamı xanım Elizabet Tollun çıxış ediblər.
Bakı Fotoqrafiya Evində təşkil edilən bu fərdi sərgidə Elizabet Tollunun daha öncəki səfərləri zamanı Bakı, Qəbələ və Naxçıvanda çəkdiyi fotoşəkillərin bəziləri, eyni zamanda İsveç meşələrinin fotoşəkilləri və bir sıra portretlər nümayiş olunur.
Mayın 29-dək davam edəcək sərgiyə biletləri onlayn da əldə etmək olar.
[URIS id=42499]
