Mayın 6-da Beynəlxalq Muğam Mərkəzində tarzən, Azərbaycan Respublikasının Xalq Artisti, Dövlət mükafatı laureatı, professor Ramiz Quliyevin anadan olmasının 75 illiyinə və elmi-pedaqoji fəaliyyətinin 55 illiyinə həsr olunmuş qala gecəsi keçiriləcək. Bu haqda Azərtac-a istinadən məlumat verir.
Tədbir Azərbaycan Respublikası Mədəniyyət Nazirliyi və Beynəlxalq Muğam Mərkəzinin təşkilati dəstəyi ilə baş tutacaq.
Gecədə sənətkara həsr olunan yeni xatirə kitabının və sənədli filmin təqdimatı nəzərdə tutulub. Eyni zamanda, Ramiz Quliyevin Üzeyir Hacıbəyli adına Bakı Musiqi Akademiyasının 100 illik yubileyinə həsr etdiyi Azərbaycan və xarici bəstəkarların əsərlərindən ibarət iki məcmuə təqdim olunacaq.
