Paytaxtda - Azərbaycan Dövlət Akademik Filarmoniyasında dahi rus bəstəkarı Nikolay Andreyeviç Rimski-Korsakova həsr olunmuş konsert keçirilib. Bu haqda bu gün, 12 fevral tarixində Bakuplus.az Arərtac-a istinadən xəbər verir.
Bəstəkarın 180 illiyinə həsr olunan konsert Xalq artisti dirijor Yalçın Adıgözəlovun rəhbərliyi, Ü.Hacıbəyli adına Azərbaycan Dövlət Simfonik Orkestrinin müşayiəti ilə təqdim edilib.
Musiqi axşamında Nikolay Andreyeviç Rimski-Korsakovun “Şəhrizad” simfonik Süitası op.35, “Mlada” opera-baletindən “Yürüş”, həmçinin “Çar gəlini” operasından “Marfa və Qryaznoyun ariyası”, eləcə də “İspan kapriççiosu” op.34 adlı əsərləri səsləndirilib.
Konsertin solistləri respublika və Beynəlxalq müsabiqələr laureatları Fatimə Cəfərzadə və Mahir Tağızadə ifaları ilə izləyicilərin alqışlarını qazanıblar.
