Bakının Azərbaycan Dövlət Milli Gənc Tamaşaçılar Teatrında “Fiqaronun toyu” tamaşasının premyerası olub. Bu haqda bu gün, 1 iyul tarixində Bakuplus.az məlumat verir.
Tamaşa fransız dramaturqu Pyer Bomarşenin 1784-cü ildə yazdığı eyniadlı pyes əsasında quruluşçu rejissor Əməkdar artist Nicat Kazımov tərəfindən ilk dəfə iyunun 29-30-da teatrın səhnəsinə qoyulub.
Tamaşada dahi Motsartın musiqisi istifadə olunub, quruluşçu rəssam Mustafa Mustafayev, musiqi tərtibatçısı Zaur Rəşidovdur.
Səhnədə Əməkdar artistlər Kəmalə Müzəffər, İlham Əsədov, Rasim Cəfər, Sevinc Rzayeva, Elnur Hüseynov, aktyorlar Manaf Dadaşov, Sənan Kazımov, Bəhram Həsənov, Zülfiyyə Alhüseynova, Günel Məmmədova, Aydan Həsənzadə, Təhminə Məmmədova, Elşən Şıxəliyev, Ceyhun Məmmədov, Fəridə Qurbanova, Nurlan Süleymanlı, Hüseyn Bayramov, Ramil Məmmədov, Anar Seyfullayev, Anar Səfiyev, Aydın Dəmirov, Mətləb Abuşov, İlhan Sadıqov, Tahir İsmayılov rolları canlandırıblar.
