Görkəmli bəstəkar Tofiq Quliyevə həsr olunmuş konsert keçiriləcək. Bu haqda 25 mart tarixində Bizim.media.az xəbər verib.
Heydər Əliyev Sarayında martın 29-da Azərbaycan bəstəkarı Tofiq Quliyevin 105 illiyinə həsr olunan "Bizi yaşadan nəğmələr" adlı konsert proqramı baş tutacaq.
Proqramda Xalq artistləri Brilliant Dadaşova, Ənvər Sadıqov, Azər Zeynalov, İlqar Muradov, Gülyanaq və Gülyaz Məmmədovalar, Murad Hüseynov, Əməkdar artistlər Anar Şuşalı, Aygün Bəylər, Zamiq Hüseynov, Elton Hüseynəliyev, İnarə Babayeva, həmçinin Zabitə Alıyeva, Mirələm Mirələmov, Kamilə Babayeva, "Qaya" Dövlət Ansamblı, Akademik Musiqili Teatrın orkestri, xoru, balet truppası və solistləri çıxış edəcək.
