Bakının Heydər Əliyev Sarayında 24 sentyabr tarixində Xalq artisti, əfsanəvi “Göy-göl” ansamblının və Gəncə Dövlət Filarmoniyasının təsisçisi Fikrət Verdiyevin yaradıcılığına hərs olunmuş konsert baş tutacaq. Bu haqda bu gün, 1 avqust tarixində Bakuplus.az məlumat verir.
Konserti Rəşad İbrahimovun rəhbərliyi ilə Xalq Çalğı Alətləri Ansamblı, Fikrət Əmirov adına Gəncə Dövlət Filarmoniyasının “Göy-göl” Dövlət Mahnı və Rəqs Ansamblı və Xalq artisti Ənvər Sadıxovun rəhbərliyi ilə "Qaytağı” ansamblı müşayiət edəcəklər. Eyni zamanda, tanınmış incəsənət nümayəndələri öz ifaları ilə çıxış edəcəklər.
Fikrət Verdiyev 1947-ci ildə Gəncədə anadan olub. Uşaqlıqdan milli musiqiyə böyük sevgisi olub və 10 yaşında Gəncə 1 saylı musiqi məktəbinin tar sinfində təhsil almağa başlayıb. 1969-cu ildə Gəncədə “Göy-göl” xalq çalğı alətləri ansamblını yaradıb, hansı ki, respublikada, hətta onun hüdudlarından kənarda da böyük uğurla çıxış edib.
Fikrət Verdiyev 1990-cı ildə “Göy-göl” ansamblının bazasında Gəncə Dövlət Filarmoniyasını, sonra isə xalq çalğı alətləri orkestri və kamera orkestrini yaradıb.
O, dahi muğam ifaçısı Xan Şuşinskinin qızı ilə ailəlidir, iki qızı, bir oğlu, dörd nəvəsi var.
