Xalq artisti Munis Şərifov yubileyini qeyd edəcək. Bu haqda 16 aprel tarixində Qaynarinfo.az məlumat verib.
Xalq artisti, Qədim Musiqi Alətləri Dövlət Ansamblının rəhbəri Munis Şərifovun 60 illik yubileyi keçiriləcək. Beynəlxalq Muğam Mərkəzində baş tutacaq yubiley gecəsi 19 aprel saat 19:00-da başlayacaq. Tədbirə giriş sərbəstdir.
Munis Məhəmməd İsmayıl oğlu Şərifov 1962-ci ildə Bakıda anadan olub. O, 1990-cı ildən Bakı Musiqi Akademiyasında konsertmeyster-müəllim vəzifəsində çalışır. Akademiyanın qədim musiqi alətlərinin bərpası elmi laboratoriyasının işçisidir. O, Azərbaycanda yeganə çəqanə musiqi alətinin ifaçısı sayılır. 2016-cı ildə Azərbaycan musiqi mədəniyyətinin inkişafındakı xidmətlərinə görə Xalq artisti fəxri adına layiq görülüb.
