Musiqili Teatrda rusdilli uşaqlar üçün tamaşa nümayiş olunacaq. Bu haqda 1 aprel tarixində Bakı Şəhər Mədəniyyət Baş İdarəsi məlumat verib.
Azərbaycan Dövlət Akademik Musiqili Teatrı Yevgeni Şvartsın pyesi əsasında, musiqisi görkəmli bəstəkar, Xalq artisti Emin Sabitoğluya məxsus olan “Qırmızı papaq” musiqili nağıl-tamaşasının aprelin 2-də nümayişi baş tutacaq.
Tamaşanın quruluşçu və bərpaçı rejissoru teatrın qocaman aktyoru, Əməkdar artist Boris Qrafkindir. Nağıl qəhrəmanlarını Əməkdar artistlər Boris Qrafkin, Svetlana Bulax, aktyorlar Firus Məmmədov, Nadejda Povelitsina, Emil Heydərov, Rauf Babayev, Telnaz Hüseynova, Yuliya Heydərova, Mehriban Zaliyeva, Eleonora Mehdiyeva, Eleonora Mustafayeva, Valeriya İsgəndərzadə və Nərmin Əliyeva canlandıracaqlar.
Biletləri şəhərin bütün teatr-konsert kassalarından, “ASAN xidmət” mərkəzlərindən, eləcə də iticket.az saytından əldə etmək olar.
