“Paris Notr-Dama ithaf” tamaşası növbəti dəfə göstəriləcək. Bu haqda 3 may tarixində AZƏRTAC məlumat verib.
Azərbaycan Dövlət Akademik Musiqili Teatrında mayın 8-də “Paris Notr-Dama ithaf” tamaşası nümayiş ediləcək. Tamaşa dünyaşöhrətli yazıçı Viktor Hüqonun “Paris Notr-Dam” əsərinin motivləri əsasında hazırlanıb. Tamaşanın rejissoru Samir Qulamov, ideya müəllifi və bədii rəhbəri isə Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayevdir.
Tamaşa Avropanın əzəmətli simvollarından biri olan Paris Notr-Dam kilsəsində 2019-cu il aprelin 15-də baş vermiş yanğın hadisəsinə ithaf olunub.
Tamaşada rolları Xalq artisti Pərviz Məmmədrzayev, Əməkdar artist Nadir Xasıyev, beynəlxalq müsabiqələr laureatı Aydan Həsənova, aktyorlar Mehriban Zalıyeva, Əmrah Dadaşov, Nicat Əli, İbrahim Əlizadə, Emin Zeynallı, Hüseyn Əlili, Səmədzadə Xasiyev, Şaban Cəfərov, Telnaz Hüseynova, Murad Əliyev, Fərid Rzayev, Zaur Əliyev, Əli Kərimov, həmçinin xor və balet truppasının artistləri ifa edəcəklər.
[URIS id=42906]
